CHINA – Naggwa sa panibag-o nga pagpanalawsaw sang mga Chinese experts nga posible makalaton ang Coronavirus Disease 2019 paagi sa pagpakighilawas.
Base sa resulta sang pagpanalawsaw nga ginpatigayon sang isa ka medical team gikan sa Shangqui Municipal Hospital sa 38 ka mga lalaki nga pasyente, 16% sa ila ang nakitaan sang coronavirus sa ila nga semilya.
Tunga naman sa mga pasyente ang yara sa acute stage na sang impeksyon kag 9% lang ang nakarecover.
Sa pagpaathag sang mga siyentipiko, apisar nga indi makaya sang virus nga mag-replicate sang virus sa reproductive system sang mga lalaki, posible man ini sa gihapon nga magpabilin bangud sa ginatawag nga “privileged immunity’ sang testicles.
Ini bangud indi makaya sang immune system nga batuan ang virus sa sulod sang lawas sang lalaki nga pasyente.
