GUIMBAL, ILOILO – Paga-istoryahan sang Local Government Unit sang Guimbal, Iloilo ang masunod nga lihok sa tion nga magnegatibo sa Polymerase Chain Reaction test ang duha ka repatriated Overseas Filipino Workers nga nag-abot sa nasambit nga banwa.
Sa interview sang Bombo Radyo kay Iloilo Vice Governor Christine ‘Tingting’ Garin, iya ginpahayag nga planuhan kag istoryahan sang maayo kun ano ang mangin maayo nga tikang sa tion nga madugangan ang kaso sang COVID-19 sa Guimbal.
Suno kay Garin, pagatumuron kun bala magapadayun ang 14 day mandatory facility quarantine sang duha ka OFWs ukon ipaidalom sila monitored home quarantine sa tion nga magguwa na ang resulta.
Ginpahayag man ni Garin nga makabig naman nga COVID-19 free ang banwa sang Guimbal bangud wala sang kumpirmado nga kaso sa subong.
