Gin-ako sang Department of Health nga isa ka dako nga pagpanghangkat sa health system capacity sang pungsod ang iban pa nga balatian kaangay sang dengue ilabi pa subong nga nagahilapit nalang ang tig-ulululan.
Suno kay Department of Health Sec. Francisco Duque, ginakabig nila nga permanent risk ang dengue bangud sa tiyempo sa Pilipinas.
Sa pihak sini nagpasalig si Duque nga indi nila pagbay-an ang problema sa dengue apisar nga may ginapangatubang pa nga krisis ang pungsod nga gintuga sang Coronavirus Disease (COVID-19)
Gin-athag man sang natungdan nga wala pa sang scientific data may kaangtanan sa impeksyon sang dengue kag COVID-19.
Ang athag lang subong suno kay Duque, mahimo nga may yara sang mangin komplikasyon ang dengue sa baga sang tawo nga infected sang COVID-19.
Ini bangud posible nga maglala pa ang kondisyon sang isa ka COVID-19 patient bangud baga man ang gina-atake sang virus nga nagatuga sang COVID-19.
