HONGKONG – Naghingyo ang gobyerno sang Hongkong sa ila mga pumuluyo nga untaton anay ang pagpatigayon sang hublag protesta.
Ini kasunod sang amat-amat nga pagbalik sa normal sang pangabuhi sa nasambit nga estado matapos ang pagnubo sang kaso sang Coronavirus Disease 2019.
Suno sa gobyerno sang Hongkong, tuman nga naapektuhan ang ekonomiya sang Hongkong bangud sa Coronavirus pandemic.
Nahibaluan nga halos 230 katawo ang gin-aresto sang mga otoridad nga nagpatigayon sang hublag protesta kag ginapahayag wala nagsunod sa social distancing regulations nga ginapatuman sa Hongkong.
Isa sa mga rason kun ngaa liwat nga nag ibwal ang kaakig sang mga pumuluyo sa Hongkong amo ang pagduso sang ‘Chinese national anthem bill’.
Sa idalom sang nasambit nga hagna, kabigon nga krimen ang anuman nga sahi sang pagpangbastos sa national anthem sang China kag sino man ang mapamatud-an nga naglapas sa nasambit nga hagna ang mahimo mapreso sang tatlo ka tuig.
