Nagpaandam ang Food and Drug Administration batok sa mga produkto nga posible mangin bulong batok sa Corinavirus Disease 2019 (COVID-19).
Suno kay Food and Drug Administration director general Eric Domingo, wala pa sang scientific evidence nga makapamatuod nga ang mga produkto kaangay nalang sang ‘Virus Shut Out’ nga isa ka sahi sang lanyard ang mahimo mangin bulong batok sa impeksyon.
Nagpanugyan si Domingo sa publiko nga indi maggamit ang nasambit nga produkto ilabi pa nga indi ini rehistrado sa Food and Drug Administration.
Ang nasambit nga produkto ang naga unod sang Sodium Hypochlorite nga isa ka compound nga ginagamit sa disinfection sang tubig.
Dugang sang natungdan, posible nga magapangatubang sang nagakaigo nga penalidad sa idalom sang FDA Act ang sinoman nga madakpan nga nagabaligya sang nasambit nga produkto.
