ILOILO CITY – Gin-athag ni Miag-ao Mayor Dr. Macario Napulan kun ngaa nadugayan ang pagpanagtag sang ayuda gikan sa Social Amelioration Program sang Department of Social Welfare and Development sa ila banwa.
Ini matapos nga nalakip sya sa 30 ka mga alkalde sa bilog nga pungsod nga ginserbehan sang show cause order sang Department of Interior and Local Government bangud sa ginapahayag mahinay nga pagpanagtag sang ayuda gikan sa Social Amelioration Program sang Department of Social Welfare and Development.
Sa interview sang Bombo Radyo kay Napulan, iya gin pahayag nga indi matuod nga na delay ang pagpanghatag sang ayuda sa ila banwa.
Suno kay Napulan, sa pagkamatuod Abril 30 palang nagdangat na sa 82.9% ang nakapay out sa ila banwa.
Matapos sini naghingyo sila sang pito ka adlaw nga extension sa Department of Social Welfare and Development agud ma ubos na ang pagpanagtag sang cash assistance.
Dugang sang natungdan, Mayo 10 nga mo ang deadline nga ginhatag sang Department of Interior and Local Government sang natapos nila kapanghatag ang tanan nga ayuda apang bangud dominggo ini nga adlaw sang Mayo 11 pa nila na padala sa central office ang mga detalye.
Santo sa pahayag ni Napulan magapadala sila sang pahayag sa Department of Interior and Local Government agud athagon nga nalapawan nila ang 80% nga threshold nga gintalana sang nasambit nga ahensya.
Sa subong ginahulat nalang niya ang showcause order gikan sa DILG agud ma athag na nila ang ila bahin sa nasambit nga isyu.
