USA– Nagapanguna sa listahan sang New York Knicks, agud mangin bag-o nga head coach si Tom Thibodeau.
Si Thibodeau ang nangin coach sadto sang Chicago Bulls, kag Minnesota Timberwolves.
Gindala sini sa Eastern Conference finals ang Bulls sadtong 2011 sa panahon ni Derrick Rose, samtang una naman nga nakatapak sa playoffs sa sulod sang 14 katuig ang Timberwolves sadtong 2018.
Lakip sa mga ginapilian amo sanday anay Brooklyn Nets mentor Kenny Atkinson, kag ang subong Knicks interim coach nga si coach Mike Miller.
Ginpahayag naman sang bag-o nga Presidente sang Knicks nga si Leon Rose nga basi sa masunod nga dominggo, paga-pangalanan na nila ang bag-o nga coach, nga ila mismo ginpili.
