ILOILO CITY – Natapos na ang quarantine sang mga ginapahayag naka-angkon sang close contact sang mga personnel sang Bureau of Jail and Management Penology nga nagpositibo sa Coronavirus Disease 2019 (COVID-19).
Sa interview sang Bombo Radyo kay Jail Supt Gilbert Peremne, Deputy Regional Director for Administration sang Bureau of Jail Management and Penology 6, iya ginpahayag nga sang Mayo 27 pa nahatag ang certification nga pamatuod nga natapos na nila ang masobra sa 30 ka adlaw nga quarantine kag isolation sa ila mismo opisina.
Suno kay Peremne, antes pa man sila ginhatagan sang certification, ginapaidalom sila sa swab test kag lunsay nagnegatibo.
Nahibaluan nga may yara sang 92 ka identified close contacts samtang sa ika duwa nga test, may yara lang sang 52.
Bangud may yara sang nagpositibo nga mga personnel, gilayon nga gindisinfect ang bug-os nga opisina.
Magluwas diri, ginatun-an pa ang pagpatigayon sang COVID-19 test sa mga preso.
Nahibaluan nga sang Pebrero 20, wala na sang visitation hours sa mga preso bangud sa kahangawa sa virus.
