ILOILO CITY – Daku ang mabulig sang regular nga pag-ehersisyo apisar nga yara lamang sa sulod sang balay.
Sa Good Morning Philippines program, ginpahayag sang fitness instructor nga si Lodi Basco nga nagakadapat nga magtalana sang 150 minutes sa tagsa ka semana para sa pag-ehersisyo.
Suno ay Basco, nakadepende sa tawo ang pagpili sang ehersisyo kasubong sang zumba ukon workout kag mas maayo nga mag-umpisa sa pinaka simple nga sahi sang ehersisyo tubtub nga maanad ang lawas.
Ginpahayag ni Basco nga bilang fitness instructor, iya gid napamatud-an nga mas maayo ang pamatyag kun makapabalhas bangud nga indi man mahinago nga ang pag-ehersisyo ang may yara sang maayo nga epekto sa lawas.
Mas maayo man suno kay Basco nga may yara sang music samtang naga-exercise bangud nga ang musika ang nagapadugang sang gana sa paghulag kag ang rythmn sini ang mahimo sundon kun ano ka dasig ang pag-ehersisyo.
