ILOILO CITY- Bastante pa ang mga pasilidad sang Iloilo City Government nga ginapahamtangan sang mga Locally Stranded Individuals nga nagaabot sa Syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga ginagamit sang syudad ang University of Iloilo- Phinma, Jaro Gym, Iloilo Central Elementary School, kag Diamond Jubilee Hall bilang quarantine facilities.
Sa tion nga kulangon gid man, ginpahayag sang alkalde nga may yara na sang mga eskwelahan nga ginreserba ang syudad.
Suno kay Mayor Treñas, ini ang ginalakipan sang Lapaz Elementary School sa Lapaz; Molo 1 Elementary School sa Molo; Jaro National High School kag isa ka eskwelahan sa Balantang, Jaro, kag may isa man ka eskwelahan sa Mandurriao.
Pahayag sang alkalde, natalana nga magpirma sang Memorandum of Agreement sa masunod nga semana ang Iloilo City Government kag tagdumalahan sang ginreserba nga mga eskwelahan.
