ILOILO CITY – Makabig nga multi-million dollar business ang pagtapna sang Dandruff ukon kaspa nga common condition sa babayi kag lalaki.
Sa pagpaathag sang Medical expert nga si Dr. Elvin Tiangha, ang Dandruff ukon mild form sang Seborrheic dermatitis ang tuga sang mahima nga immune system, paggamit sang nanari-sari nga hair products kag makadugang pa gid ang stress.
Suno kay Dr. Tiangha, ang kaspa ang mahimo nga mabulong paagi sa anti-fungal shampoo, cream kag iban pa nga produkto santo sa ginapanugyan sang eksperto.
Ginpahayag ni Tiangha nga mas makapaayo nga likawan ang paggamit sang styling products nga may alcohol content bangud nga ini ang makatuga sang kaspa.
Mas nagadamu ang kaspa sa tion nga tuman ka tugnaw kag tuman ka init nga tiyempo apang ini ang nagadepende sa lifestyle sang isa ka tawo.
