USA – Normal lamang nga makabatyag sang stress bangud sa trabaho ukon sa pagpangabuhi kag kun indi maagapan, sa ulihi, mahimo ini nga magresulta sa heart attack.
Apang nakahibalo ka bala nga ang mga babayi ang mas prone sa pagbatyag sang stress kun ipaanggid sa mga lalaki?
Suno kay Xiao Xu, assistant professor sa obstetrics, gynecology and reproductive sciences sa Yale University sa New Haven, Connecticut sa Estados Unidos, ang mga young women ang madali nga makabatyag sang stress kag may yara sang worse recovery kun ipaanggid sa mga young men.
Ginpahayag ni Xu nga santo sa pag-tuon kun sa diin siya ang co-author, mas mataas ang mortality rate sang mga babayi kun stress ang pagahambalan kag ini ang mahimo nga tuga sang family conflict, bisyo, unhealthy lifestyle, balatian ukon kamatayon sang pinalangga sa kabuhi.
Isa man sa mga rason kun nga-a mas stress ang mga babayi amo nga kun paano nila mahatag ang familiy care apisar sang lower financial resources ukon kapigaduhon.
Sa pagpaathag naman ni Dr. Suzanne V. Arnold, research assistant professor sa University of Missouri sa Kansas City sa Estados Unidos, ang mga tawo nga may madamo nga isyu ukon concern sa health kag personal life ang may mataas nga risgo sa pagbatyag sang stress.
Agud nga malikawan ang pag-angkon sang heart attack ukon ano man nga sahi sang balati-an tuga sang stress, mas importante suno kay Arnold nga mahatagan sang solusyon sa labing madali nga tion ang nagkalain-lain nga level sang stress santo sa psychosocial needs sang pasyente.
