Ginaduso nanday Senador Manny Pacquiao kag Senador Sherwin Gatchalian ang resolution nga magahimo kay anay Senador Ramon Revilla Sr. bilang National Artist for Film.
Sa Senate Resolution No. 477 nga gin-file ni Pacquiao, nakasaad nga si Revilla ang isa ka ehemplo sang talento, kaalam, kag artistry kag ini ang ginpakita sa tinuig niya nga pagpakigbahin sa mga pelikula nga nagapakita sang kultura sang mga Filipino.
Ang Senate Resolution No. 482 naman ni Gatchalian ang may kaangay man nga panawagan.
Nahibaluan nga ang 93 anyos nga anay aktor ang may 80 ka mga pelikula halin sang 1950s tubtob sa 2000s antes siya nagsulod sa pulitika.
Napatay si Revilla sang tinalikdan nga Hunyo 26 bangud sa heart failure.
Ang National Artist Award ang pinakamataas nga pagkilala nga ginahatag sa mga Pinoy sa nagkalain-lain nga patag kaangay sang literature, music, dance, theater, visual arts, film, broadcast arts, fashion design kag architecture and the arts.
