MANILA – Nagbaskog ang Severe Tropical Storm Julian (international name Maysak) samtang yara sa northwestward sang Philippine Sea.
Santo sa pinaka-ulihi nga forecast, si Julian ang mahimo nga mangin typhoon subong nga adlaw kag mahimo nga malab-ot ang “peak intensity” sa Lunes.
Wala sang may ginpaguwa nga Tropical Cyclone Wind Signal bangud nga wala man sang direkta nga epekto sa pungsod si Julian.
Apisar sini, ang Southwest monsoon ang mahimo nga magtuga sang kasarangan tubtub mabalod nga kadagatan sa northern Luzon, eastern seaboard sang Central kag Southern Luzon kag seaboards sang Northern kag Eastern Samar.
Ang mga magagmay nga sakayang-pandagat ang wala ginapanugyanan nga maglayag sa kadagatan sa nasambit nga mga lugar.
Pinaka-ulihi nga nasiplatan si Julian sa kalayuon nga 740 kilometers Nasidlangan sang Casiguran, Aurora nga may maximum sustained winds nga 110 kilometers per hour malapit sa sentro kag may pagmadlos nga nagalab-ot sa 135 kph.
Ang Severe Tropical Storm ang ginalauman nga makaguwa sa Philippine Area of Responsibility buwas nga adlaw.
