ILOILO CITY- Gin-athag sang barangay council sang Bo. Obrero, Lapuz, Iloilo City nga wala ginpaidalom sa surgical lockdown ang ila lugar.
Ini kasunod sang ginpagwa nga listahan sang City Health Office nga nalakip ini sa 24 ka barangay nga ginpaidalom sa surgical lockdown umpisa sang Setyembre 14 bangud sa mataas nga kaso sang COVID-19 sa diin pito ang narecord sa ila barangay.
Sa interview sang Bombo Radyo kay Punong Brgy. Ricardo Niño, iya gin-athag nga sa pito ka kaso sang COVID-19 sa barangay, 3 lamang ang active cases.
Suno kay Niño, nakarecover na ang apat samtang nagapabilin naman sa ospital ang tatlo ka mga pasyente.
Ginpahayag sang natungdan nga naka-quarantine naman ang pamilya sang mga pasyente kag napaidalom na sa swab test.
