Ginpanginwala sang aktres nga si Julia Barreto ang mga alegasyon nga nagabusong siya.
Sa Instagram, nagpost ang aktres sang iya sexy nga laragway kun sa diin makit-an ang iya nga well-toned abs.
Pahayag ni Julia sa caption: “FAKE NEWS”.
Matandaan nga ginpistahan sang mga netizens ang nasambit nga balita kasunod sang pag-post sang beterano nga newscaster nga si Jay Sonza sang photo collage ni Julia kag Gerald Anderson.
Kabahin sa post ni Sonza amo ang: “Congratulations sa aking kapitbahay sa Congressional Village, Bahay Toro, Quezon City. Napatunayan nina Visoy Gerald Anderson at anak nina Dennis Padilla at Marjorie na si Julia Barreto na kapuwa hindi sila baog. After months of love lockdown and ESQ (exact sex quadrant) – may nabuo sa sinapupunan ni Julia.”
Matandaan man nga sang 2019, nangin kontrobersyal si Julia matapos ang break-up kay Joshua Garcia. Matapos ang hitabo, sunod nga naglupok ang impormasyon nga si Julia man ang third party sa relasyon ni Gerald sa aktres nga si Bea Alonzo.#
