MANILA – Nakahanda si Presidente Rodrigo Duterte sa pagbiya sa pwesto bangud sa lapnagon nga kurapsyon sa pungsod.
Sa iya public address kagab-i, ginpahayag ni Duterte nga humalin sang siya ang nangin prosecutor, nangin mayor kag nangin presidente sang 2016, nahangpan niya nga indi na matapna ang kurapsyon sa gobyerno.
Suno kay Duterte, indi na madula ang kurapsyon apang mahimo ini nga mapahagan-hagan.
Isa sa mga ginhingadlan ni Duterte amo ang Land Registration Authority bilang isa sa mga ahensya nga “notorious”.
Ini bangud nga suno sa Presidente, pila na ka mga kaso may kaangtanan sa mga opisyal sang Land Registration Auhtority ang iya nauyatan sang siya pa ang prosecutor sa Davao City.
