Sa masako nga adlaw sang kada tawo, kon kaisa makasiling ka nga wala na ikaw tyempo sa pag-excercise.
Sa sulod sang panimalay, manami lang magpungko ukon maghilay-hilay.
Apang nakahibalo ka bala nga sa simple nga pagtindog sang masami, madamo na sang mabulig ini sa imo ikaayong lawas?
Suno kay Jamin Brahmbhatt, M.D., urology specialist sa Florida, ang pagtindog sang masami ang isa sa pinakamaayo nga exercise nga maobra sang kada tawo bangud gina-improve sini ang cholesterol, blood sugar kag nagapanubo ini sang lebel sang fat sa dugo.
Ang pagtindog sang masobra duha ka oras sa kada adlaw ang nahibaluan nga makadugang sang good cholesterol sa ilig sang dugo nga magaresulta sang healthy nga heart sang isa ka tawo.
Magluwas sini, sa simple nga pagtindog sang masami, ginabuligan kita nga mapalayo sa mga masakit nga kaangay sang diabetes kag heart disease.
Gani sa mga mahilig magpungko lang dira, magtindog man kamo agud mapahilayo sa balatian.
