ILOILO CITY- Arestado ang isa ka tag-iya sang furniture shop matapos nadakpan sa akto nga may ginabitbit nga granada kag mga armas sa Bangga Bante, Zarraga, Iloilo.
Ang naaresto amo si Rey Parreño, legal ang edad, residente sang Bongco, Pototan, Iloilo.
Sa interview sang Bombo Radyo kay Winnie Espilla, barangay tanod sa lugar, iya ginpahayag nga ginsita kag ginpaparahan sang kapulisan nga nagapatigayon sang checkpoint ang nasambit nga lalaki nga nagaangkas sa motorsiklo kag wala sang helmet.
Sang ginrekisa, didto nakit-an ang duha ka granada sa iya nga vest kag may yara pa gid ini sang ginasukbit nga .38 nga armas luthang kag kutsilyo.
Preso na subong sa Zarraga Municipal Police Station si Parreño kag natalana nga pasakaan sang nagakaigo nga kaso.
