Ginkumpirma sang Malacañang nga apat ka mga brand sang COVID-19 vaccine ang iga-procure sang gobyerno sang Pilipinas.
Suno kay Presidential Spokesperson Atty. Harry Roque, ini nga mga bakuna amo ang Sinovac sang China, Pfizer sang Estados Unidos, AstraZeneca sang United Kingdom, kag Gamaleya sang Russia.
Ang pahayag ni Roque ang base sa impormasyon nga ginhatag sa iya ni vaccine czar Carlito Galvez Jr.
Kadungan sini, gin-athag ni Dr. Lulu Bravo, executive director sang Philippine Foundation for Vaccination, nga may yara sang positive findings sa AstraZeneca and Pfizer apang suno sa iya, kinahanglan pa sang Sinovac kag Sputnik V nga magpagwa sang data may kaangtanan sa ila last stage sang clinical trial.
Matandaan nga nag-secure na ang Pilipinas sang 2.6 million doses sang AstraZeneca vaccines samtang nag-apply naman ang Sinovac kag Gamaleya para makapatigayon sang Phase 3 clinical trials sa Pilipinas.
