ILOILO CITY – Nagdangat sa 82 ang panibag-o nga kaso sang COVID-19 sa Western Visayas.
Sa sini nga mga kaso, 3 ang halin sa Capiz, 1 sa Guimaras, 6 sa Iloilo Province, 30 sa Negros Occidental, 13 sa Bacolod City, kag 29 sa Iloilo City.
Santo sa December 11 bulletin sang Department of Health Region VI, 162 naman ang nagdugang sa mga naka-recover kag 3 ang nagdugang sa mga napatay.
Sa subong, ang kabug-usan nga kaso sang COVID-19 sa rehiyon ang nagsaka na sa 20,601.
Sa sini nga numero, 1,629 ang active cases; 18,374 ang reported recoveries; kag 594 ang reported deaths.
Kun pahat-pahaton ang mga kaso sa Western Visayas:
Aklan- 353
Antique – 80
Capiz – 1,144
Guimaras – 224
Iloilo – 2,751
Negros Occidental – 6,035
Bacolod City – 5,497
Iloilo City – 4,517
