Kalmado ang hunk actor nga si Derek Ramsay samtang gina-atubang ang wala-tuo nga pang-bash sa iya sang mga tawo sa social media.
Ini ang may kaangtanan gihapon sa iya break-up sa anay nobya nga si Andrea Torres isa ka bulan na ang nakaligad.
Wala nagauntat ang mga netizens sa pagpakalain sa 44 anyos nga actor-athlete kag lakip na diri ang pag-comment sa iya nga Instagram post kun sa diin nakalab-ot na sa punto nga ginkwestyon ang sexual orientation ni Derek.
Sa isa ka laragway kun sa diin kaupod ni Derek ang isa ka topless nga lalaki nga nakasukok sang kalo kag swim shorts, may mga nagbilin sang komento nga may malisya apang sa una nga mga komento, ginsugid pa ni Derek nga hinablos niya ang iya nga kaupod sa picture.
Ang pinakamalala nga komento amo ang pahayag sang netizen nga ginatilawan lang ni Derek ang mga babaye bangud lalaki gid ang iya matuod nga gusto.
Apat naman ka clapping emojis ang reply ni Derek sa amo nga basher.
Gin-ako naman sang aktor nga nagakasakitan man siya sa sini nga mga pahayag bangud nagakadalahig na ang iya nga mga pamilya.
Nagalain man ang buot ni Derek bangud gina-link siya sa kay bisan sin-o lang nga artista kag suno sa iya, kun basehan lang ang mga istorya, daw kaangay nga napabusong na niya ang bug-os nga Pilipinas.
