ILOILO – Padayon nga nagadugang pa ang numero sang mga nagpositibo sa COVID-19 sa mga staff sang Rep. Pedro G. Trono Memorial Hospital sa Guimbal, Iloilo.
Sa interview sang Bombo Radyo kay Dr. Cynthia Cabangal Ng, head sang Hospital Management Office sang Iloilo Provincial
Government, iya ginpahayag nga nadugangan pa sang 8 ang nagpositibo sa nasambit nga virus.
Matandaan nga sang nagligad nga semana, 15 ang nauna nga narecord nga nagpositibo sa virus nga gintunaan sang pag lockdown sang ospital.
Suno kay Ng, 267 tanan ang mga staff sang ospital nga ginabug-usan sang mga doktor, nurses, nursing aides kag iban pa nga personnel.
Pahayag ni Ng, sa nasambit nga numero, 38 na tanan ang mga nagpositibo sa COVID-19.
Dugang pa sang natungdan, kalabanan mild asymptomatic ang kondisyon sang mga nagpositibo sa diin padayon nga nakapaidalum sa istrikto nga quarantine.
