Ginsapubliko na sang Malacañang ang listahan sang mga hatagan sang prayoridad sa pagpabakuna batok sa COVID-19.
Suno kay Presidential Spokesman Harry Roque, ini ang santo sa gin-aprubahan sang Interim National Immunization Technical Advisory Group.
Una nga nalista ang mga frontline workers sa mga national kag local, private kag public health facilities, health professionals kag non-professionals kaangay sang mga estudyante, nursing aides, janitors, barangay health workers kag iban pa.
Yara naman sa ikaduha nga prayoridad ang mga senior citizens nga naga-edad 60 pataas.
Nalakip man sa listahan ang mga frontline personnel sa mga essential sectors kaangay sang uniformed personnel kag working sectors nga gintumod sang Inter-Agency Task Force (IATF).
Mangin prayoridad man ang pigado nga indigent, mga manunudlo, social workers, government workers, socio-demographic groups, overseas Filipino workers (OFWs) kag iban pa nga essential workers kag workforce.
“Tungkol naman sa alokasyon sa first tranche ng Pfizer BioNTech Covid-19, ito po ‘yung sinong makakakuha noong unang darating na Pfizer. Ito ay para sa lahat ng health workers. Pero ito ‘yung allocation framework: Unahin ‘yung COVID dedicated hospitals, COVID referral hospitals, other DOH hospitals, LGU hospitals, hospitals for uniformed services/personnel, at mga pribadong mga ospital,” pahayag ni Roque.
