Ginpasigurado sang Department of Budget Management (DBM) nga ready for release na ang P82.5-B nga budget para sa COVID-19 vaccine nga ginalauman nga maabot subong nga bulan.
Sa exclusive interview sang Bombo Radyo kay DBM Secretary Wendel Avisado, iya ginpahayag nga ang nasambit nga kantidad ang santo sa ginratipikahan nga Philippine National Deployment and Vaccination Plan for COVID-19 vaccine.
Suno kay Avisado, sa ₱82.5 billion nga budget, ₱70 billion ang magahalin sa unprogrammed funds sa idalom sang 2021 General Appropriations Act.
Sa logistics naman kag iban pa nga supply, ₱2.5 billion ang ginpain nga budget sang Department of Health kag ₱10 billion sa idalom sang Bayanihan 2.
Sa subong, 11 na nga mga COVID-19 vaccines ang nalakip sa shortlist sang vaccine expert panel sa diin kabahin diri ang Sinovac, Sinopharm, Novavax, kag Clover.
Ang AstraZeneca kag Pfizer-BioNTech naman ang ginapilian man sa diin ini lang ang ginhatagan sang Emergency Use Authorization.
