Gin-ulan sang pagpanginbulahan si Asia’s Soul Supreme Kristine KZ Tandingan matapos napilian nga magkanta sang labing-una nga Filipino Disney song.
Lakip sa mga Filipino celebrities nga nagpalab-ot sang congratulatory messages kay KZ para sa iya latest milestone amo sanday Catriona Gray, Iza Calzado, Morrisette Amon, Lovi Poe, kag Barbie Almalbis.
Sa iya naman nanuhay-tuhay nga social media platforms, nagpahayag sang pagpasalamat si KZ bangud sang kahigayunan nga ginhatag agud makakanta sang first-ever Disney track in Filipino!
Suno kay KZ, very grateful and very proud siya nga makakanta gamit ang iya kaugalingon nga lenggwahe kag mapabugal ang beauty sini nga lenggwahe sa bilog nga kalibutan.
Suno pa kay KZ, proud siya nga mangin kabahin sang maragtas.
Gintuad man sang natungdan nga nagdaku siya nga nagalantaw sang Disney movies, kag FINALLY suno sa iya, maka-relate na siya sa isa ka Disney Princess kag ina amo si Raya nga inspired pa sang kultura sang Southeast Asia.
Kahapon sang gin-anunsyo sang Walt Disney Studios nga si KZ ang ginpili nga magkanta sang ambahanon nga “Gabay”, kabahin sang soundtrack para sa upcoming Disney film nga Raya and the Last Dragon.
