Paborito mo man bala nga pamahaw sa uma ang bag-ong tanok nga kamote?
Magluwas sa unod sang kamote, hibaluon naton ang mga benepisyo kun nagakaon ka sang ugbos sini.
Suno sa pagtuon sang Louisiana State Agricultural Center, ang ugbos sang kamote ang rich sa anti-diabetes properties kag maayo man para sa diet therapy. May yara ini sang anti-diabetic compounds nga nagapanubo sang blood glucose content sang tawo.
Dugang pa diri, makabulig man ang ugbos sang kamote agud malikawan ang cancer. Ini bangud may yara ini sang antioxidants kag antimutagenic compounds ukon substances nga makabuhin sang rate of mutation sang cancer cells.
Nakahibalo ka pa gid bala nga ang vitamin K component sang ugbos sang kamote ang nagafacilitate sang blood clotting abilities sang aton nga dugo; buot silingon, madasig ka nga makarecover sa mga pilas, bakiras, kag iban pa nga blood clotting problems.
Makabulig man ini sa imo nga tul-an bangud ang contente sini nga Vitamin K ang makabulig maintain sang calcium sa tul-an kag mabuhinan man ang risgo sa pagdevelop sang osteoporosis (ukon bone loss) kag ginapanubo man sini ang risgo sang bone fractures sa post-menopausal nga mga babaye.
