Duha ang kritikal sang ginluthang sang isa ka U.S. Navy hospital corpsman nga sang ulihi naluthangan-patay man sang isa ka katapo sang militar sa Maryland, USA.
Ang una nga insidente ang natabo sa commercial park nga Riverside Tech Park sa Frederick, Maryland.
Lunsay lalaki ang duha ka mga biktima.
Suno kay Frederick Police Chief Jason Lando, ginatinguhaan pa subong sang mga pulis nga maangot-angot ang natabo sa insidente kag kun ano gid ang rason sang shooting incident.
Gindala sa Shock Trauma Center sa University of Maryland Medical System sa Baltimore ang mga biktima kag padayon nga ginabulong bangud sa kritikal nga kondisyon.
Pagkatapos sang una nga shooting incident, ang ginaalegar nga gunman ang nagpadulong sa Fort Detrick Army base kun sa diin siya ginluthang sang isa military personnel nga amo ang gintunaan sang iya kamatayon.
Padayon pa subong ang imbestigasyon sang mga pulis.
