Nagapabilin nga yara sa Tropical Cyclone Wind Signal No. 2 ang walo ka mga areas sa pungsod samtang nagahinay naman ang kusog ni Bagyo Bising kag mahinay nga nagahulag sa Philippine Sea sa nasidlangan sang Catanduanes.
Suno sa 11 p.m. severe weather bulletin sang Philippine Atmospheric, Geophysical and Astronomical Services Administration, ang sentro sang Bagyo Bising ang yara nahamtang sa 270 kilometers nasidlangan sang Virac, Catanduanes.
Ini ang may maximum sustained winds nga 195 km per hour malapit sa sentro kag pagmadlos nga tubtob sa 240 kph.
Mahinay ini nga nagahulag sa direksyon nga nakatungdan pa naaminhan-nakatundan.
Yari ang mga napaidalom sa Tropical Cyclone Wind Signal No. 2:
- Catanduanes
- eastern portion sang Camarines Sur
- eastern portion sang Albay
- eastern kag central portions sang Sorsogon
- Northern Samar
- Samar
- Eastern Samar
- Biliran
Yari naman ang mga napaidalom sa Tropical Cyclone Wind Signal No. 1:
- eastern portion sang Camarines Norte
- nabilin nga bahin sang Camarines Sur
- nabilin nga bahin sang Albay
- nabilin nga bahin sang Sorsogon kag Masbate lakip na ang Burias kag Ticao Islands
- Leyte
- Southern Leyte
- northern portion sang Cebu
- Dinagat Islands
- Siargao Islands kag
- Bucas Grande Islands
Suno sa advisory sang PAGASA, posible nga mahinay lang ang hulag ni Bising sa masunod nga 12 ka oras antes ini magliso pa-naaminhan sang Philippine Sea sa nasidlangan sang Catanduanes.
Pagkatapos, ang bagyo ang magapadayon sa paghulag panaaminhan tubtub sa Mierkules sang gab-i antes ini maghulag pa naaminhan-pa nasidlangan kag nasidlangan pa naaminhan pa nasidlangan nga malayo na sa landmass sang Luzon. #
