Nadugangan sang 278 ang kaso sang COVID-19 sa Western Visayas.
Sa subong, may yara na sang 32,919 nga kabug-usan nga numero sang COVID-19 cases sa rehiyon 6.
Sa sini nga numero, 4,600 diri ang total active cases.
Ang Bacolod City ang may 52 ka mga panibag-o nga kaso; 100 sa Negros Occidental; 27 sa Iloilo Province; 40 sa Aklan; 19 sa Antique; isa sa Guimaras; 20 sa Iloilo City kag 19 naman sa Capiz.
Samtang 10 naman ka pasyente ang ginbawian sang kabuhi sa diin 856 na ang total reported deaths.
Ang mga nag-ayo naman sa balatian ang yara na sa 27,457 matapos nadugangan sang 81 ka mga naka-recover.
Kun pahat-pahaton ang mga kaso sang COVID-19 sa tagsa ka probinsya kag syudad sa Western Visayas;
Aklan – 1,472
Antique – 824
Capiz – 1,573
Guimaras – 383
Iloilo – 5,804
Negros Occ. – 9,992
Bacolod City – 6,868 kag;
Iloilo City – 6,003
