ILOILO CITY- 32 ang active cases sang COVID-19 nga narecord sa Calumpang, Molo, Iloilo City.
Nagapangaduha ini sa Balabago, Jaro, Iloilo City nga may yara sang 47, ang pinakamadamo nga active cases sa kabarangayan sa syudad.
Sa interview sang Bombo Radyo kay Punong Barangay Roberto Niño sang Calumpang, Molo, Iloilo City kag nagaserbe nga spokesperson sang Liga ng mga Barangay sa syudad, iya ginpahayag nga walo sa mga pasyente sa ila lugar ang naghalin sa isa lang ka pamilya matapos sila malatnan sang nagbisita sa ila balay ang isa ka himata nga taga- Lapaz, Iloilo City.
Suno kay Niño,mangin sa iya pamilya, may lima man ka nagpositibo kag bilang close contact, ginpaidalom ini sa RT-PCR test kaag negatibo ang resulta apang tapuson na lamang niya ang 14 ka adlaw nga pagpaidalom sa quarantine.
