Mahimo na makasulod kag makalagaw-lagaw sa Boracay ang mga turista halin sa NCR Plus Bubble.
Santo sa anunsyo sang Malay Tourism Office, ginabaton na ang mga residente halin sa Metro Manila, Bulacan, Cavite, Laguna, kag Rizal umpisa Hunyo 1 tubtob 15.
Ang NCR Plus Bubble ang yara subong sa general community quarantine (GCQ) “with heightened restrictions”.
Kun mahimo nga plain GCQ lang ang NCR Plus pagkatapos sang Hunyo 15, magapadayon ang pagbaton sang mga turista halin sa amo nga lugar.
Apang kun magbalik ini sa mas istrikto nga modified enhanced community quarantine ukon MECQ, posible nga mauntat naman ang leisure movements ukon mga lagaw-lagaw.
Mahimo makabisita sa amo nga bantog nga isla ang mga turista halin sa naka-GCQ kag naka-MGCQ nga mga lugar.
