Gindeklarar sang World Health Organization (WHO) nga opisyal na nga natapos ang ikaduha nga outbreak sang Ebola virus nga nag-igu sa African country nga Guinea.
Pebrero sini nga tuig sang nagumpisa ang ikaduha nga outbreak.
Ang Guinea ang may 16 ka kumpirmado nga kaso sang amo nga virus kag 7 ka “probable” cases.
Sa sini nga numero, 12 ang napatay. Isa ang Guinea sa mga pungsod sa West Africa nga nagsuprer sang Ebola epidemic halin 2013 tubtob 2016.
Ginabanta 11,300 ang napatay halin sa Guinea, Liberia, kag Sierra Leone.Suno sa mga eksperto, mapasa ang Ebola virus paagi sa close contact sa “bodily fluids.”
Pila sa sintomas sini amo mataas nga hilanat kag bleeding ukon pagdugo.
