Ginpirmahan na sang Pilipinas ang kasugtanan nga magabakal ang national government sang 40 million doses sang Pfizer-BioNTech vaccines.
Ini ang pinakadaku nga vaccine procurement subong nga 2021.
Suno kay National Task Force against COVID 19 Chief Implementer kag vaccine czar Secretary Carlito Galvez Jr., natapos na ang negosasyon kag sila ni Health Secretary Francisco Duque III ang nagpirma sa deal nga gintawag man niya nga ‘biggest and most decisive deal’ sang bilog nga tuig.
Maga-umpisa ang pag-deliver sang amo nga Pfizer vaccines sa bulan sang Agusto.
Ipanagtag ang Pfizer vaccines sa lain-lain nga mga probinsya kag rehiyon sa pungsod.
Gin-abisuhan naman ang local government units nga maghanda na para sa pag-abot sang amo nga suplay sang bakuna.
Lakip sa kritikal nga preparasyon amo ang logistics kag ang cold chain service providers para sa sensitive vaccines kaangay sang bakuna sang Pfizer, Moderna, kag Sputnik V.
Una na nga ginpahayag ni Galvez nga third quarter ukon fourth quarter na sang 2021 magaabot ang bakuna nga iya sang supply agreements.
Sa sini nga latest supply agreement, ang Pilipinas ang naka-secure na sang delivery sang 113 million doses halin sa lima ka manufacturers: Sinovac nga may 26 million doses, Sputnik V nga may 10 million doses, 20 million doses halin sa Moderna, 17 million doses halin sa Astrazeneca, kag 40 million doses halin sa Pfizer.
