ILOILO CITY- Indi kompleto ang KBL kon wala sang kadyos.
Magluwas nga pagpanamit ini sang luto, ang kadyos ukon pigeon pea ang manggaranon sa protein, dietary fiber, thiamine, magnesium, phosphorous, potassium, copper , manganese, iron kag selenium.
Ano bala ang sarang sini mabulig sa imo lawas?
Suno kay Dr.Swarnshikha Sharma, isa ka Psychology Dietitian/Nutritionist, ang Potassium sa pigeon pea ang nagaakto bilang vasodilator kag nagapanubo sang blood pressure.
Gani ang mga tawo nga may hypertension ang dapat magdugang gid sang kadyos sa ila daily diet.
Ang kadiyos maayo man nga source sang folate nga nagabulig likaw sa anemia kag depekto sa ginabusong nga lapsag.
Bangud ang kadyos, low in calories, cholesterol kag saturated fats, maayo nga option ini para sa weight loss.
Ang presensiya sang dietary fiber ang nagahatag sang pamatyagan nga busog ikaw, nagapataas sang metabolic rate kag nagabulig sa pagbuhin sang bug-at.
Ang nutrients nga yara sa kadyos ang naga- convert sa enerhiya nga magamit sang lawas sa baylo nga taguon ini bilang fat.
Ini ang pila lamang sa madamo nga benepisyo sang pagkaon sang kadiyos.
Ti magkaon ka na sini bangod ang kadyos, bugay sang Diyos.
