ILOILO CITY – Abi-abihon sang Iloilo City Government ang mga doktor nga magabulig sa pre-vaccination kag post-vaccination evaluation sa vaccination sites sa Iloilo City.
Sa interview sang Bombo Radyo kay Iloilo City Mayor Jerry Treñas, iya ginpahayag nga mas mapadasig sini ang vaccine rollout kag malikawan ang dugang nga pila sang mga mapatublok sang bakuna.
May mga request man kay Treñas nga may mga pulis halin sa Police Regional Office VI nga nagapahayag nga maga-augment man sa area.
Suno sa alkalde, may plano man siya nga pabuksan kun hapon ang mga vaccination sites agud nga mabaton ang mga walk-in vaccinees.
Apang ipresentar pa ini sa COVID-19 team suno kay Treñas kag ipatuman lang kun magdamo na ang bakuna nga maga-abot sa syudad.
