Ginapanan-aw nga maangkon sang Metro Manila kag walo nga key economic hubs ang herd immunity sa Paskwa kun indi maglapta ang Delta COVID-19 variant nga una na na-detect sa India.
Suno kay Fr. Nicanor Austriaco, myembro sang OCTA Research Group, may yara na subong sang 17 ka kaso sang Delta COVID-19 variant ang Pilipinas kag may isa ka patay.
Sa subong wala pa sang community transmission sa pungsod sang nasambit nga variant sang virus.
Nagapati si Austriaco nga rasonable ang ila paglaom nga maangkon sang National Capital Region Plus 8 ang herd immunity sa palaabuton nga Paskwa.
Panugyan sang OCTA Research Group, ang pinaka the best nga vaccine amo ang gina-offer subong sang gobyerno, rason nga nagakadapat magpabakuna na ang tanan batok sa COVID-19.
