ILOILO CITY- Paandam!
Mangin mahinalungon kita sa mga butang nga aton ginatapakan basi sila pa ang may dala sa aton sang kaayuhan.
Kaangay sang bermuda grass nga madamo gali sang dala nga benepisyo sa lawas.
Sa pagkamatuod, ang bermuda ang ginagamit sa Ayurvedic Medicine sa India sa linibo na ka tuig.
Suno kay Dr. Paul Haider, isa ka spiritual teacher kag master herbalist, ang juice gikan sa bermuda grass ang maayo nga alkalizing agent, nga nagabulig sa stomach acid kag gastric ulcers, diabetes, anemia, detoxing, congestion, nagapabakod sang tul-an kag ngipon.
Ang bermuda grass isa ka maayo nga detoxing agent nga nagabulig sa pagtinlo sa atay kag cells sang lawas kag dugo paagi sa iya chlorophyll.
Ang Bermuda Grass juice naga- contain sang masobra 65% chlorophyll gani nga may ability ini nga mag boost sang produksyon sang hemoglobin kag red blood cell nga makabulig sa anemia.
Ang Bermuda Grass juice nagabukas sa baga kag nagatinlo sang congestion gani makabulig ini sa trangkaso, asthma, kag bronchitis.
Ang juice kon ipahid sa lawas ang makabulig sa minor rashes, irritations, kag ang paste sang Bermuda Grass ang makapugong sa pagdugo sang pilas sa panit.
Manggaranon man ini sa antioxidants nga nagabulig agud malikawan ang cardiovascular disease, strokes, kag cancer.
