ILOILO – Ginpagwa na ni Iloilo Governor Arthur Defensor Jr. ang iya nga executive order kun sa diin naplastar ang mga pagsulundan samtang naka-enhanced community quarantine ang probinsya sang Iloilo.
Sandig sa Executive Order 258:
Ginapahanugutan nga makaoperate ang pampubliko nga mga salakyan apang dapat compliant sa guidelines sang Department of Transportation (DOTr).
Wala sang required nga quarantine pass; wala man sang ipatuman nga municipal border control.
Wala sang liquor ban apang hugot nga ginadumilian ang social gatherings.
Ang curfew ang nagaumpisa 9:00 sa gab-i tubtob 4:00 sa kaagahon.
Samtang, ginapahanugutan nga maka-operate sa full on-site capacity ang mga masunod:
- Public kag private hospitals
- Agriculture industry
- Logistics service provider
- Essential ukon priority construction projects — pribado man ukon pampubliko
- Food kag iban pa nga essential goods manufacturers
- Construction supplies, hardware supplies, bicycle shops
- Mga merkado, supermarkets, grocery stores, kag convenience stores
- Pharmacies kag drugstores
- Water refilling stations kag laundry shops
- Restaurants kag eateries apang limitado sa take-out kag delivery
- BPOs
Ginapahanugutan nga maka-operate sa maximum nga 50% on-site capacity ang media establishments.
Ginapahanugutan nga maka-operate nga may skeleton workforce on-site ang masunod:
- Dental, optometry, kag iban pa nga medical clinics
- Veterinary clinics
- Mga bangko, money transfer services lakip na ang pawnshops
- Water supply kag janitorial services
- Telecommunications providers
- Energy sector lakip na ang gasoline stations kag power companies
- Funeral kag embalming services
- Security personnel/services
- Printing establishments
- Motor vehicle repair shops
- Lawyers kag legal services
Ginadumilian naman ang mga masunod:
- Entertainment venues
- Recreational venues
- Amusement parks kag playgrounds
- Individual outdoor exercises (magluwas lang sa jogging, biking sa sulod sang area of residence, subdivision ukon barangay)
- Fitness studios, gyms, spas
- Mga beach, inland waters, kag iban pa nga tourist spots
- Personal care services pati ang ila nga home service
- Accommodation establishments magluwas sa board and lodging services
- kag Public kag private mass gatherings
