Kun magluto kita sang adobo, ang iban sa aton, pat-od nga nagapulula ang mga tudlo sa kamot bangod sang pagkumos sang liso sang achiote ukon istiwitis agud ilakot sa aton nga sud-an.
Ang istiwitis ukon ang annatto amo ang sahi sang food coloring nga himo nagikan sa mga liso sang achiote.
Magluwas sa culinary uses sang istiwitis, madugay naman ini nga ginagamit para sa art sa South kag Central America kag ginagamit man agud bulngon ang pila ka mga medical condition.
Suno kay Ryan Raman, isa ka registered dietician sa Auckland, New Zealand, natukiban sa test-tube studies nga ang extracts sang istiwitis ang nagabulig suppress ukon pugong sang cancer cell growth kag nagapatay sang mga cells nga nagatuga sang cancer sa prostate, pancreas, atay kag panit.
Pahayag ni Raman, ini bangud manggaranon ang istiwitis sa anticancer properties kaangay sang carotenoids bixin kag norbixin, antioxidants kag tocotrienols nga isa ka sahi sang vitamin E.
Ang nasambit nga vitamin E compound nga yara sa istiwitis ang nagabulig man sa age-related heart issues.
Magluwas diri, ang mataas nga carotenoids sang istiwitis ang nagapromote man sang eye health.
