Ginkumpirma ni Senate President Vicente Sotto III nga magapadalagan siya sa pagka-bise presidente sa 2022 nga eleksyon kag mangin ka-tandem niya si Sen. Panfilo Lacson nga amo ang magapapili sa pagka-presidente.
Suno kay Sotto, may official announcement kag launching nga himuon ang ila nga tandem sa Agusto 4.
Suno sa 72 anyos nga senate president, pagpalangga sa pungsod ang ila rason kun mapadalagan sila sa masunod nga tuig.
Una diri, may mga consultative meetings na nga ginpatigayon sanday Lacson kag Sotto sa local officials kag lain-lain nga sektor.
Hunyo lang subong nga tuig sang nagpahayag si Sotto nga maga-team up siya kay Lacson sa 2022 elections.
