Nagdangat na sa 7,700 ka family food packs ang napanagtag sang Department of Social Welfare and Development (DSWD) Region VI sa mga pumuluyo sang syudad kag probinsya sang Iloilo nga apektado sang enhanced community quarantine (ECQ).
Katumbas ini sang balor nga P3.6 million.
Kun pahat-pahaton kun diin nagkadto ang food packs:
Iloilo City – 3,000 food packs
Cabatuan – 500 food packs
Leon – 500 food packs
Concepcion – 1,000 food packs
Tigbauan – 800 food packs
Sara -1,400 food packs
Miagao- 500 food packs
Sa interview sang Bombo Radyo kay May Castillo, spokesperson sang DSWD Region VI, iya ginpahayag nga padayunon pa ang pagpanagtag bangud 25,000 tanan ka family food packs ang kabug-usan nga yara sa warehouse sang ahensya.
Ini nga food packs ang nagikan sa Visayas Disaster Response Center kag sa DSWD Region 7.
