Kun magbakal ka sang imo paborito nga beverage kaangay sang kape ukon shake, masami mo man bala ginapadugangan sang heavy whipped cream ang imo nga drinks bilang topping?
Suno kay SaVanna Shoemaker, registered dietician sa Estados Unidos, sa mga indibidwal nga paborito ang whipped cream kag nanamitan nga i-partner ini sa ila nga pagkaon ukon drinks, wala sang dapat kabalak-an bangud madamo ini sang minerals kag health-boosting vitamins kaangay sang vitamins A, D, E, kag K ang nasambit nga dairy product.
Pahayag niya, mas maka-absorb ang lawas sang isa ka indibidwal sang fat-soluble vitamins kun magconsume sang healthy fat kaangay sang fat nga yara sa heavy whipping cream.
Natukiban man sa pila ka mga pagtuon suno kay Shoemaker nga ang full-fat dairy products ang nagapanubo sang risgo sa pag-angkon sang obesity, type 2 diabetes, kag heart disease.
Apang paandam sang dietician, nagakadapat nga in moderation man ang pagkaon sang whipped cream agud maangkon ang nagakaigo nga benepisyo sa ikaayong lawas.
