ILOILO CITY- Nasapwan nga wala na sang kabuhi ang isa ka lalaki nga nagahigda sa folding bed sa gwa sang isa ka building sa Yulo St., Iloilo City Proper.
Ginkilala ang biktima nga si Percival Catoltol, ginabanta masobra sa 50 anyos ang edad, residente sang Brgy. Dela Rama, Iloilo City Proper.
Nagatrabaho ini bilang messenger sa isa ka bangko sa syudad.
Sa interview sang Bombo Radyo kay PCapt. Shella Mae Sangrines, hepe sang Iloilo City Police Station 1, iya ginpahayag nga antes nasapwan nga wala na sang kabuhi, naglain ang pamatyag sang lalaki rason nga nagpahuway- huway anay ini.
Suno kay Sangrines, ang mga tawo sa lugar amo ang nakatalupangod sa biktima nga nagapalamuti na kag wala na nagahulag.
Ginapahayag nga masami na ini nga nagabatyag sang pagpin- ot sang dughan.
Sang nagligad nga semana lang ini nakapatublok sang second dose sang COVID-19 vaccine.
