Nagapakadto na kita sa Paskwa sa diin amat-amat na nga naga-tuman ka lamig ang aton nga kaagahon kag panahon.
Ang iban natamaran na sa pag-ehersisyo ukon magpadayon sang ila walking routine bangud sa malamig nga dapya sang hangin.
Apang suno sa mga ekperto, wala sang nagakadapat kabalak-an bangud natukiban nga mas bentaha sa ikaayong-lawas ang pag-ehersisyo sa malamig nga temperatura.
Suno kay Dr. Cedric Bryant, president kag chief science officer sang American Council, mas maka-burn sang calories ang lawas kun naga-ehersisyo ukon nagapabalhas sa tunga sang cold weather.
Bentaha man ini sa mga indibidwal nga may problema sa pag-focus ukon indi maka-paminsar sang tadlong bangud sa tion nga exposed ang lawas sa malamig nga temperatura, nagasangkad man ang immune system.
Nagapabuhin man sang stress ang pagginhawa sang oxygenated fresh air ukon malamig nga hangin sa diin samtang naga-burn sang calories ang lawas sa tunga sang kalamigon, naga-produce man ang utok sang serotonin kag endorphins nga nagahatag sang positibo nga panan-awan kag mood.
Makabulig man ang pag-ehersisyo sa tunga sang malamig nga temperatura sa paglikaw sa stressful nga mga sitwasyon kag nanuhay-tuhay nga balatian kaangay sang heart disease, stroke, makabulig pabaskog sang mga tul-an kag nagapadugang sang muscle strength kag endurance.
