ILOILO CITY- Nagapabilin nga asymptomatic kag yara sa maayo nga kondisyon ang 1-day old baby girl nga nagpositibo sa COVID-19 kag taga- Iloilo City.
Sa interview sang Bombo Radyo kay Mr. Jeck Conlu, spokesperson sang COVID-19 team sang Iloilo City, iya ginpahayag nga una nga nagpositibo sa COVID-19 ang iloy sang bata, isa ka bulan antes ini nagbun-ag sa Western Visayas Medical Center.
Bangod COVID-19 positive ang iloy, ginpaidalom man sa swab test ang bata kag nagpositibo.
Sang liwat naman nga gin-swab test ang iloy, nagnegatibo na ini sa virus apang padayon nga naka-isolate naman ang lapsag sa ospital bangud nga active pa ang iya virus infection.
Nahibaluan nga residente sang Brgy. Concepcion, Iloilo City Proper ang iloy sang lapsag apang masobra isa ka bulan antes ini nagbun-ag, nagsaylo sila sa isa ka barangay sa distrito sang Jaro.
