Kun magsud-an kita sang pinirito, kanami batyagon nga makapuksi lang kita sang suha sa aton ugsaran agud himuon nga sawsawan sa aton nga pagkaon.
Nahibaluan nga ang citrus fruit nga suha ang bantog na sa kalibutan nga may madamo sang mahatag nga benepisyo sa ikaayong lawas sa diin nakaandan naman nga imnon bilang juice ang duga sini.
Apang suno sa mga eksperto, indi lang ang prutas nga suha ang dapat naton puksion sa puno sini kundi pati ang dahon.
Suno kay Dr. Michelle Heben sa Michigan USA, ang calamansi leaves ang manggaranon sa anti-viral properties nga makabulong sa makatol nga panit halin sa kinadtan sang insekto.
Puno man suno sa doktor sa antifungal properties ang dahon sang suha kag ginagamit man ini bilang herbal medicine agud bulngon ang skin diseases tuga sang fungi.
Bentaha man suno kay Heben ang dahon sang suha sa mga allergic sa deodorant bangud ginagamit ini nga natural alternative agud malikawan ang body smell ilabi na sa ilok.
