Sang lamharon ang aton edad, nangin hobby ukon kalingawan na naton ang coloring gamit ang aton crayons, colored pencils kag markers.
Apang suno sa mga eksperto, nagakadapat nga bisan tigulang na kita, mas maayo nga ilakip naton ang coloring sa aton pastime ukon libre nga oras.
Suno sa clinical psychologist nga si Dr. Scott Bea sang Estados Unidos, ang pag-color sa aton paborito nga mga libro, ang nagapakalma sa sentro sang aton utok nga ginatawag ”amygdala” nga nagaresulta sa pagnubo sang stress kag anxiety sang isa ka indibidwal ilabi na ang mga naga-overthink.
Makapasangkad man sa motor skills kag vision sang isa ka indibidwal ang pag-coloring bangud gina-require sini ang duha ka hemispheres sang utok nga mag-communicate.
Pahayag sang doktor, makapasangkad man sang kalidad sang pagtulog ang pag-coloring bangud ginapa-steady sini ang level sang melatonin sa lawas sang isa ka inbdibidwal.
