Gintawag ni Senator Aquilino ‘Koko’ Pimentel III nga sakon kag swapang ang grupo ni Energy Secretary Alfonso Cusi nga yara man sa ruling party nga Partido Demokratiko Pilipino–Lakas ng Bayan (PDP-Laban).
Si Senator Pimentel ang anak ni PDP-Laban founder Aquilino “Nene” Pimentel Jr.
Sa national assembly sang faction nanday Senator Manny Pacquiao kahapon, ginpahayag ni Pimentel nga mabato sila batok sa mga “hijackers”.
Ginpaanggid man ni Pimentel ang grupo ni Cusi sa isa ka tawo nga nagsakay lang sa isa ka salakyan apang nagpamilit pa nga pahalinon ang driver.
Suno pa kay Pimentel, nag-upod lang sa PDP-Laban sanday Cusi bangud convenient para sa ila, apang kun sa tion nga indi pabor sa ila, ginaguba nila ang partido.
“Kung ihahalintulad po ang PDP-Laban sa isang sasakyan, mayroon pong nakasakay sa ating sasakyan na ngayon tayo na ang pinapaalis at pinapalabas sa ating sasakyan. Ang dami na nilang sasakyan. Napakasakim at swapang naman nila. If convenient for them, they will join. If no longer convenient, they will destroy.”
