ILOILO CITY- Ginapanan-aw sang isa ka political analyst nga madamo pa nga negosasyon ang matabo sa ruling party nga Partido Demokratiko Pilipino-Lakas ng Bayan ukon PDP Laban antes ang filing sang certificate of candidacy para sa May 2022 elections.
Sa interview sang Bombo Radyo kay Prof. Ramon Casiple, executive director sang Institute for Political and Electoral Reforms, iya ginpahayag nga samtang wala pa maresolba ang Pacquiao- Koko Pimental faction kag Cusi faction, madamo sang posible nga scenario nga naga-involve indi lang sa PDP Laban kundi mangin ang mga kandidato sa iban nga partido sa oposisyon.
Suno kay Casiple, may posibilidad man nga apisar maka-file na sang certificate of candidacy (COC) ang kandidato, mahimo sa gihapon nga may matabo nga pagbag- o tubtob sa bisperas sang eleksyon sa Mayo 2022 kaangay sang pag-atras kag substitution sang kandidato.
Samtang, nagapati naman ang political analyst nga may epekto ang mga isyu nga ginahaboy batok sa administrasyon ni Presidente Rodrigo Duterte sa tsansa sang kadalag- an sang mga politiko nga iya iga-endorso.
Apang,sa subong, nagadepende pa ini sa mangin dalagan sang mga isyu kun dalayon ini nga magaguba sa imahe sang administrasyon ukon indi.
